No livnar det i lundar

Av Elias Blix

No livnar det i lundar,

no lauvast det i li,
den heile skapning stundar

no fram til sumars tid.

Det er vel fagre stunder

når våren kjem her nord

og atter som eit under

nytt liv av daude gror.
Du vår med ljose dagar,

med lengting, liv og song,
du spår at Gud oss lagar

ein betre vår ein gong,

Då me med vigsla tunge,

med kjærleik heil og klår,
alt utan brest og sprunge

skal lova Herren vår.